Manut pawarta kang dikirim Didik sarana piranti telpon pribadi, dina Minggu pon (malem senen) surya kaping 14 Juni warsa 2009 / 20 Jumadilakhir 1430 H, dianani pepanggihan utawa rapat kang bakal ngrancang pahargyan adat Cing-cing Goling ing Gedangan. (bersih kali Kedhung Dhawang)
Asile rapat ing malem Senen iki bakal diusung ana ing rapat malem Rebo dina sabanjure, mapan ing sekretariat Pemangku Adat. Awit miturut rancangan dina Kemis Kliwon acara Cing-cing Goling, njur diterusake dina Ju'mat bersih desa.
Rasulan utawa bersih desa tahun iki bakal digawe beda karo adat saben sing wis kepungkur. Amarga bakal dianakake maneka warna jenis perlombaan. Ana lomba 'thoklek, terbangan, miniatur cinggoling, gawe pecut, cethen atawa cemethi', lan liya-liane.
Muga-muga apa kang dirancang para panitia iki bisa kaleksanan kathi apik. ( by : Didik R )